מי יתן ידעתי ואמצאהו אבוא עד תכונתו:

הן קדם אהלך ואיננו ואחור ולא אבין לו:

כי ידע דרך עמדי בחנני כזהב אצא:

מענה אלהי קדם ומתחת זרעת עולם ויגרש מפניך אויב ויאמר השמד:

אשריך ישראל מי כמוך עם נושע ביהוה מגן עזרך ואשר חרב גאותך ויכחשו איביך לך ואתה על במותימו תדרך:

הלוא צויתיך חזק ואמץ אל תערץ ואל תחת כי עמך יהוה אלהיך בכל אשר תלך:

וירא אליו מלאך יהוה ויאמר אליו יהוה עמך גבור החיל:

ויאמר אליו גדעון בי אדני ויש יהוה עמנו ולמה מצאתנו כל זאת ואיה כל נפלאתיו אשר ספרו לנו אבותינו לאמר הלא ממצרים העלנו יהוה ועתה נטשנו יהוה ויתננו בכף מדין:

יהוה ברצונך העמדתה להררי עז הסתרת פניך הייתי נבהל:

כי אתה אלהי מעוזי למה זנחתני למה קדר אתהלך בלחץ אויב:

באלהים הללנו כל היום ושמך לעולם נודה סלה:

אף זנחת ותכלימנו ולא תצא בצבאותינו:

הביאני אל בית היין ודגלו עלי אהבה:

על משכבי בלילות בקשתי את שאהבה נפשי בקשתיו ולא מצאתיו:

אקומה נא ואסובבה בעיר בשוקים וברחבות אבקשה את שאהבה נפשי בקשתיו ולא מצאתיו:

מקוה ישראל מושיעו בעת צרה למה תהיה כגר בארץ וכארח נטה ללון:

ויאמר אליהם ישוע איך יוכלו בני החפה להתאבל בעוד החתן עמהם הנה ימים באים ולקח מאתם החתן ואז יצומו:

ויולדו לו שבעה בנים ושלוש בנות:

והלכו בניו ועשו משתה בית איש יומו ושלחו וקראו לשלשת אחיתיהם לאכל ולשתות עמהם:

ויהי לו שבענה בנים ושלוש בנות:

ולא נמצא נשים יפות כבנות איוב בכל הארץ ויתן להם אביהם נחלה בתוך אחיהם:

הנה נחלת יהוה בנים שכר פרי הבטן:

אשרי הגבר אשר מלא את אשפתו מהם לא יבשו כי ידברו את אויבים בשער:

אשתך כגפן פריה בירכתי ביתך בניך כשתלי זיתים סביב לשלחנך:

עטרת זקנים בני בנים ותפארת בנים אבותם: