אור חשך באהלו ונרו עליו ידעך:

כמה נר רשעים ידעך ויבא עלימו אידם חבלים יחלק באפו:

כי אתה תאיר נרי יהוה אלהי יגיה חשכי:

אור צדיקים ישמח ונר רשעים ידעך:

מקלל אביו ואמו ידעך נרו באישון חשך:

כי לא תהיה אחרית לרע נר רשעים ידעך:

ותגזר אומר ויקם לך ועל דרכיך נגה אור:

רבים אמרים מי יראנו טוב נסה עלינו אור פניך יהוה:

גם כי אלך בגיא צלמות לא אירא רע כי אתה עמדי שבטך ומשענתך המה ינחמני:

לדוד יהוה אורי וישעי ממי אירא יהוה מעוז חיי ממי אפחד:

כי שמש ומגן יהוה אלהים חן וכבוד יתן יהוה לא ימנע טוב להלכים בתמים:

ושפט בין הגוים והוכיח לעמים רבים וכתתו חרבותם לאתים וחניתותיהם למזמרות לא ישא גוי אל גוי חרב ולא ילמדו עוד מלחמה:

ויסף ישוע וידבר אליהם לאמר אני אור העולם כל ההלך אחרי לא יתהלך בחשכה כי אור החיים יהיה לו:

אני באתי לאור אל העולם למען כל אשר יאמין בי לא ישב בחשך:

כי מלפנים הייתם חשך ועתה הנכם אור באדנינו התהלכו נא כבני אור:

על כן הוא אומר עורה הישן וקומה מן המתים ויאר לך המשיח: