ויאמר יהוה אל השטן השמת לבך אל עבדי איוב כי אין כמהו בארץ איש תם וישר ירא אלהים וסר מרע ועדנו מחזיק בתמתו ותסיתני בו לבלעו חנם:

אם ישים אליו לבו רוחו ונשמתו אליו יאסף:

וידבר אלי האיש בן אדם ראה בעיניך ובאזניך שמע ושים לבך לכל אשר אני מראה אותך כי למען הראותכה הבאתה הנה הגד את כל אשר אתה ראה לבית ישראל:

לא כן עבדי משה בכל ביתי נאמן הוא:

פה אל פה אדבר בו ומראה ולא בחידת ותמנת יהוה יביט ומדוע לא יראתם לדבר בעבדי במשה:

מצאתי דוד עבדי בשמן קדשי משחתיו:

הן עבדי אתמך בו בחירי רצתה נפשי נתתי רוחי עליו משפט לגוים יוציא:

והאיש משה ענו מאד מכל האדם אשר על פני האדמה:

ותרב חכמת שלמה מחכמת כל בני קדם ומכל חכמת מצרים:

ויחכם מכל האדם מאיתן האזרחי והימן וכלכל ודרדע בני מחול ויהי שמו בכל הגוים סביב:

וכמהו לא היה לפניו מלך אשר שב אל יהוה בכל לבבו ובכל נפשו ובכל מאדו ככל תורת משה ואחריו לא קם כמהו:

איש היה בארץ עוץ איוב שמו והיה האיש ההוא תם וישר וירא אלהים וסר מרע:

הן אל לא ימאס תם ולא יחזיק ביד מרעים:

אחת היא על כן אמרתי תם ורשע הוא מכלה:

אם שוט ימית פתאם למסת נקים ילעג:

ואהי תמים עמו ואשתמר מעוני:

וירא ישוע את נתנאל בא לקראתו ויאמר עליו הנה באמת בן ישראל אשר אין בו רמיה:

שחק לרעהו אהיה קרא לאלוה ויענהו שחוק צדיק תמים:

ישמו ישרים על זאת ונקי על חנף יתערר:

ויאחז צדיק דרכו וטהר ידים יסיף אמץ:

באשרו אחזה רגלי דרכו שמרתי ולא אט:

מצות שפתיו ולא אמיש מחקי צפנתי אמרי פיו:

כי שמש ומגן יהוה אלהים חן וכבוד יתן יהוה לא ימנע טוב להלכים בתמים:

והפחות הראשנים אשר לפני הכבידו על העם ויקחו מהם בלחם ויין אחר כסף שקלים ארבעים גם נעריהם שלטו על העם ואני לא עשיתי כן מפני יראת אלהים:

למנצח לעבד יהוה לדוד נאם פשע לרשע בקרב לבי אין פחד אלהים לנגד עיניו:

יראת יהוה שנאת רע גאה וגאון ודרך רע ופי תהפכות שנאתי:

ואחד מאנשי הבליעל התלוים גדפו לאמר הלא אתה המשיח הושע את עצמך ואתנו:

ויען האחר ויגער בו לאמר האינך ירא את האלהים בהיותך בעצם הענש הזה:

סור מרע ועשה טוב בקש שלום ורדפהו:

סור מרע ועשה טוב ושכן לעולם:

רחצו הזכו הסירו רע מעלליכם מנגד עיני חדלו הרע: