אחר הדברים האלה היה דבר יהוה אל אברם במחזה לאמר אל תירא אברם אנכי מגן לך שכרך הרבה מאד:

מענה אלהי קדם ומתחת זרעת עולם ויגרש מפניך אויב ויאמר השמד:

חומה היו עלינו גם לילה גם יומם כל ימי היותנו עמם רעים הצאן:

כי אתה תברך צדיק יהוה כצנה רצון תעטרנו:

חנה מלאך יהוה סביב ליראיו ויחלצם:

למה פרצת גדריה וארוה כל עברי דרך:

ויעזקהו ויסקלהו ויטעהו שרק ויבן מגדל בתוכו וגם יקב חצב בו ויקו לעשות ענבים ויעש באשים:

ועתה אודיעה נא אתכם את אשר אני עשה לכרמי הסר משוכתו והיה לבער פרץ גדרו והיה למרמס:

ואני אהיה לה נאם יהוה חומת אש סביב ולכבוד אהיה בתוכה:

כי כה אמר יהוה צבאות אחר כבוד שלחני אל הגוים השללים אתכם כי הנגע בכם נגע בבבת עינו:

הנשמרים בעז אלהים על יד האמונה לתשועה העתידה להגלות בעת קץ:

ויהי מאז הפקיד אתו בביתו ועל כל אשר יש לו ויברך יהוה את בית המצרי בגלל יוסף ויהי ברכת יהוה בכל אשר יש לו בבית ובשדה:

ובאו עליך כל הברכות האלה והשיגך כי תשמע בקול יהוה אלהיך:

ברוך פרי בטנך ופרי אדמתך ופרי בהמתך שגר אלפיך ועשתרות צאנך:

ברוך אתה בבאך וברוך אתה בצאתך:

תרב גדלתי ותסב תנחמני:

שיר המעלות אשרי כל ירא יהוה ההלך בדרכיו:

אשתך כגפן פריה בירכתי ביתך בניך כשתלי זיתים סביב לשלחנך:

ויהוה ברך את אחרית איוב מראשתו ויהי לו ארבעה עשר אלף צאן וששת אלפים גמלים ואלף צמד בקר ואלף אתונות:

ויזרע יצחק בארץ ההוא וימצא בשנה ההוא מאה שערים ויברכהו יהוה:

כי מעט אשר היה לך לפני ויפרץ לרב ויברך יהוה אתך לרגלי ועתה מתי אעשה גם אנכי לביתי:

מאל אביך ויעזרך ואת שדי ויברכך ברכת שמים מעל ברכת תהום רבצת תחת ברכת שדים ורחם:

ואהבך וברכך והרבך וברך פרי בטנך ופרי אדמתך דגנך ותירשך ויצהרך שגר אלפיך ועשתרת צאנך על האדמה אשר נשבע לאבתיך לתת לך:

ברך יהוה חילו ופעל ידיו תרצה מחץ מתנים קמיו ומשנאיו מן יקומון:

ויהי נעם אדני אלהינו עלינו ומעשה ידינו כוננה עלינו ומעשה ידינו כוננהו:

ויברכם וירבו מאד ובהמתם לא ימעיט:

ברכת יהוה היא תעשיר ולא יוסף עצב עמה:

ויפרץ האיש מאד מאד ויהי לו צאן רבות ושפחות ועבדים וגמלים וחמרים: