יען אשר ממעשי התורה לא יצדק לפניו כל בשר כי על ידי התורה דעת החטא:

אם כן מה נאמר הכי התורה חטא היא חלילה אלא לא ידעתי את החטא בלתי על ידי התורה כי לא הייתי יודע החמוד לולי אמרה התורה לא תחמד:

ואני חייתי מלפנים בלא תורה וכאשר באה המצוה ויחי החטא:

כי מצא החטא סבה במצוה להתעות אתי ויהרגני על ידה:

כי מתי אני לתורה על ידי התורה למען אחיה לאלהים:

כי בני מעשי התורה תחת הקללה המה שנאמר ארור אשר לא יקים את כל הדברים הכתובים בספר התורה לעשות אותם:

והתורה איננה מן האמונה כי אם אשר יעשה אתם האדם וחי בהם:

ויהי כשמע המלך חזקיהו ויקרע את בגדיו ויתכס בשק ויבא בית יהוה:

ויהי כשמע המלך את דברי ספר התורה ויקרע את בגדיו:

יען רך לבבך ותכנע מפני יהוה בשמעך אשר דברתי על המקום הזה ועל ישביו להיות לשמה ולקללה ותקרע את בגדיך ותבכה לפני וגם אנכי שמעתי נאם יהוה:

והמלך יושב בית החרף בחדש התשיעי ואת האח לפניו מבערת:

ולא פחדו ולא קרעו את בגדיהם המלך וכל עבדיו השמעים את כל הדברים האלה:

וקרעו לבבכם ואל בגדיכם ושובו אל יהוה אלהיכם כי חנון ורחום הוא ארך אפים ורב חסד ונחם על הרעה: