ואך את דמכם לנפשתיכם אדרש מיד כל חיה אדרשנו ומיד האדם מיד איש אחיו אדרש את נפש האדם:

שפך דם האדם באדם דמו ישפך כי בצלם אלהים עשה את האדם:

ולא תקחו כפר לנפש רצח אשר הוא רשע למות כי מות יומת:

ולא תחניפו את הארץ אשר אתם בה כי הדם הוא יחניף את הארץ ולארץ לא יכפר לדם אשר שפך בה כי אם בדם שפכו:

ויקחו כל עם יהודה את עזיהו והוא בן שש עשרה שנה וימליכו אתו תחת אביו אמציהו:

ויקחו עם הארץ את יהואחז בן יאשיהו וימליכהו תחת אביו בירושלם:

בן שמונה שנים יאשיהו במלכו ושלשים ואחת שנה מלך בירושלם: