ואלה אשר העמיד דויד על ידי שיר בית יהוה ממנוח הארון:

ואלה העמדים ובניהם מבני הקהתי הימן המשורר בן יואל בן שמואל:

ויאמר דויד לשרי הלוים להעמיד את אחיהם המשררים בכלי שיר נבלים וכנרות ומצלתים משמיעים להרים בקול לשמחה:

ועמהם אחיהם המשנים זכריהו בן ויעזיאל ושמירמות ויחיאל ועני אליאב ובניהו ומעשיהו ומתתיהו ואליפלהו ומקניהו ועבד אדם ויעיאל השערים:

וזכריה ועזיאל ושמירמות ויחיאל ועני ואליאב ומעשיהו ובניהו בנבלים על עלמות:

וכנניהו שר הלוים במשא יסר במשא כי מבין הוא:

ויתן לפני ארון יהוה מן הלוים משרתים ולהזכיר ולהודות ולהלל ליהוה אלהי ישראל:

ובניהו ויחזיאל הכהנים בחצצרות תמיד לפני ארון ברית האלהים:

ויבדל דויד ושרי הצבא לעבדה לבני אסף והימן וידותון הנביאים בכנרות בנבלים ובמצלתים ויהי מספרם אנשי מלאכה לעבדתם:

לידותון בני ידותון גדליהו וצרי וישעיהו חשביהו ומתתיהו ששה על ידי אביהם ידותון בכנור הנבא על הדות והלל ליהוה:

כל אלה בנים להימן חזה המלך בדברי האלהים להרים קרן ויתן האלהים להימן בנים ארבעה עשר ובנות שלוש:

ויהי מספרם עם אחיהם מלמדי שיר ליהוה כל המבין מאתים שמונים ושמונה:

ויצא הגורל הראשון לאסף ליוסף גדליהו השני הוא ואחיו ובניו שנים עשר:

הרביעי ליצרי בניו ואחיו שנים עשר:

הששי בקיהו בניו ואחיו שנים עשר:

השמיני ישעיהו בניו ואחיו שנים עשר:

העשירי שמעי בניו ואחיו שנים עשר:

השנים עשר לחשביה בניו ואחיו שנים עשר:

לארבעה עשר מתתיהו בניו ואחיו שנים עשר:

לששה עשר לחנניהו בניו ואחיו שנים עשר:

לשמונה עשר לחנני בניו ואחיו שנים עשר:

לעשרים לאליתה בניו ואחיו שנים עשר:

לשנים ועשרים לגדלתי בניו ואחיו שנים עשר:

לארבעה ועשרים לרוממתי עזר בניו ואחיו שנים עשר:

ולכם מהודעין די כל כהניא ולויא זמריא תרעיא נתיניא ופלחי בית אלהא דנה מנדה בלו והלך לא שליט למרמא עליהם:

ומתניה בן מיכה בן זבדי בן אסף ראש התחלה יהודה לתפלה ובקבקיה משנה מאחיו ועבדא בן שמוע בן גלל בן ידיתון:

ופקיד הלוים בירושלם עזי בן בני בן חשביה בן מתניה בן מיכא מבני אסף המשררים לנגד מלאכת בית האלהים:

כי מצות המלך עליהם ואמנה על המשררים דבר יום ביומו:

שיר המעלות הנה ברכו את יהוה כל עבדי יהוה העמדים בבית יהוה בלילות:

שאו ידכם קדש וברכו את יהוה:

הללו יה הללו את שם יהוה הללו עבדי יהוה:

הללו יה כי טוב יהוה זמרו לשמו כי נעים: