ומתניה בן מיכה בן זבדי בן אסף ראש התחלה יהודה לתפלה ובקבקיה משנה מאחיו ועבדא בן שמוע בן גלל בן ידיתון:

מן בני שמעון גבורי חיל לצבא שבעת אלפים ומאה:

ויבדל דויד ושרי הצבא לעבדה לבני אסף והימן וידותון הנביאים בכנרות בנבלים ובמצלתים ויהי מספרם אנשי מלאכה לעבדתם:

לידותון בני ידותון גדליהו וצרי וישעיהו חשביהו ומתתיהו ששה על ידי אביהם ידותון בכנור הנבא על הדות והלל ליהוה:

כל אלה על ידי אביהם בשיר בית יהוה במצלתים נבלים וכנרות לעבדת בית האלהים על ידי המלך אסף וידותון והימן:

והמשררים בני אסף על מעמדם כמצות דויד ואסף והימן וידתון חוזה המלך והשערים לשער ושער אין להם לסור מעל עבדתם כי אחיהם הלוים הכינו להם:

בני שלמא בית לחם ונטופתי עטרות בית יואב וחצי המנחתי הצרעי:

אנשי בית לחם ונטפה מאה שמנים ושמנה:

ויאספו בני המשררים ומן הככר סביבות ירושלם ומן חצרי נטפתי:

ויטהרו הכהנים והלוים ויטהרו את העם ואת השערים ואת החומה: