וישאל שאול באלהים הארד אחרי פלשתים התתנם ביד ישראל ולא ענהו ביום ההוא:

וישאל שאול ביהוה ולא ענהו יהוה גם בחלמות גם באורים גם בנביאם:

בן אדם האנשים האלה העלו גלוליהם על לבם ומכשול עונם נתנו נכח פניהם האדרש אדרש להם:

ואביא אתו אל תלמידיך ולא יכלו לרפא לו:

ויגער בו ישוע ויצא השד ממנו וירפא הנער מן השעה ההיא:

ויאמר ישוע אליהם מפני אשר אינכם מאמינים כי אמן אמר אני לכם אם יש לכם אמונה כגרגר החרדל ואמרתם אל ההר הזה העתק מזה שמה ונעתק ממקומו ואין דבר אשר יבצר מכם:

ויען ויאמר להם הוי דור בלתי מאמין עד מתי אהיה עמכם עד מתי אסבל אתכם הביאו אתו לפני:

וישאל את אביו כמה ימים היתה לו זאת ויאמר מימי נעוריו:

ויאמר אליו ישוע לאמר אם תוכל להאמין כל יוכל המאמין:

וירא ישוע את העם מתקבץ אליו ויגער ברוח הטמא לאמר רוח אלם וחרש אני מצוך צא ממנו ואל תסף לבוא בו עוד:

ויחזק ישוע בידו ויניעהו ויקם:

ויאמר אליהם המין הזה יצא לא יצא כי אם בתפלה ובצום:

ואנשים מן היהודים הסבבים ומלחשים הואילו להזכיר את שם ישוע האדון על אחוזי הרוחות הרעות לאמר משביע אני אתכם בישוע אשר פולוס קרא אותו:

ויען הרוח ויאמר את ישוע אני מכיר ואת פולוס אני ידע ומי אתם:

ויודע הדבר לכל היהודים והיונים ישבי אפסוס ויפל פחד על כלם ויגדל שם האדון ישוע:

ויקחו את הפר אשר נתן להם ויעשו ויקראו בשם הבעל מהבקר ועד הצהרים לאמר הבעל עננו ואין קול ואין ענה ויפסחו על המזבח אשר עשה:

ויהי כעבר הצהרים ויתנבאו עד לעלות המנחה ואין קול ואין ענה ואין קשב:

ואיש שכב ולא יקום עד בלתי שמים לא יקיצו ולא יערו משנתם:

ורבים מישני אדמת עפר יקיצו אלה לחיי עולם ואלה לחרפות לדראון עולם:

ובבאו אמר אליהם מה תהמו ותבכו הנערה לא מתה אך ישנה היא:

כזאת דבר ואחרי כן אמר אליהם לעזר ידידנו ישן הוא ואנכי הלך למען אעירנו:

ויהי ככלותו לדבר ויקרא בקול גדול לעזר קום צא:

ויצא המת וידיו ורגליו כרוכת בתכריכין ופיו לוטים בסודר ויאמר אליהם ישוע התירו אתו וילך לדרכו:

על כן הוא אומר עורה הישן וקומה מן המתים ויאר לך המשיח: