ויקמו עבדיו ויקשרו קשר ויכו את יואש בית מלא היורד סלא:

ויוזבד בן שמעת ויהוזבד בן שמר עבדיו הכהו וימת ויקברו אתו עם אבתיו בעיר דוד וימלך אמציה בנו תחתיו:

ויקשר עליו שלם בן יבש ויכהו קבל עם וימיתהו וימלך תחתיו:

ויעל מנחם בן גדי מתרצה ויבא שמרון ויך את שלום בן יביש בשמרון וימיתהו וימלך תחתיו:

ויקשר עליו פקח בן רמליהו שלישו ויכהו בשמרון בארמון בית מלך את ארגב ואת האריה ועמו חמשים איש מבני גלעדים וימיתהו וימלך תחתיו:

ויקשר קשר הושע בן אלה על פקח בן רמליהו ויכהו וימיתהו וימלך תחתיו בשנת עשרים ליותם בן עזיה:

ויקשרו עבדי אמון עליו וימיתו את המלך בביתו:

ומעת אשר סר אמציהו מאחרי יהוה ויקשרו עליו קשר בירושלם וינס לכישה וישלחו אחריו לכישה וימיתהו שם:

וישאהו על הסוסים ויקברו אתו עם אבתיו בעיר יהודה:

ויעבר יהושע וכל ישראל עמו מלבנה לכישה ויחן עליה וילחם בה:

רתם המרכבה לרכש יושבת לכיש ראשית חטאת היא לבת ציון כי בך נמצאו פשעי ישראל: